തിരുവനന്തപുരം ● ഗാർഹിക ഉപഭോക്താക്കൾക്കുള്ള പാചകവാതക സിലണ്ടറുകളുടെ വില 200 രൂപ കുറച്ചത് ഇന്ന് പ്രാബല്യത്തിൽ വന്നു.സംസ്ഥാനത്ത്‌ ഗാർഹിക സിലിണ്ടറിന് 1121.50 രൂപയിൽ നിന്നും 921.50 രൂപയായി വില കുറഞ്ഞു . ഉജ്വൽ യോജന പദ്ദതിയിൽ ഉൾപ്പെട്ടവർക്ക് 721.50 രൂപയ്ക്കും സിലിണ്ടർ ലഭിക്കും. 33 കോടി പേർക്ക് പുതിയ പ്രഖ്യാപനത്തിന്‍റെ ഗുണം കിട്ടും. ഇന്നലെ ചേർന്ന കേന്ദ്ര മന്ത്രിസഭാ യോഗമാണ് പാചക വാതക സിലണ്ടറുകളുടെ വില കുറയ്ക്കാൻ തീരുമാനിച്ചത്.
