കഥയുടെ ആധാരം എന്നത് ജോസിന് പറ്റുന്ന കയ്യബദ്ധമാണ്. ചില പരിതസ്ഥിതികളില്‍ ഒരു ശക്തി എവിടെന്നോ വന്നുചേരും. വേണമെങ്കില്‍ ഇതിനെ സര്‍വൈവല്‍ ത്രില്ലര്‍ എന്ന് വിളിക്കാം എന്ന് സംവിധായകന്‍ വൈശാഖ് പറഞ്ഞു. റിയല്‍ ലൈഫില്‍ സംഭവിച്ച ഒന്ന് രണ്ട് സംഭവങ്ങള്‍ സിനിമയില്‍ ചേര്‍ത്തിട്ടുണ്ടെന്ന് വൈശാഖ് കൂട്ടിച്ചേര്‍ത്തു.
മിഥുന്‍ മാനുവല്‍ തോമസാണ് ചിത്രത്തിന് തിരക്കഥയൊരുക്കിയിരിക്കുന്നത്. മമ്മൂട്ടിക്കമ്പനിയുടെ അഞ്ചാമത്തെ ചിത്രമെന്ന പ്രത്യേകതയും ടര്‍ബോയ്ക്കുണ്ട്. കന്നഡ നടന്‍ രാജ് ബി ഷെട്ടിയും ചിത്രത്തില്‍ ഒരു നിര്‍ണായക വേഷത്തിലെത്തുന്നുണ്ട്. ഈ മാസം 23നാണു ചിത്രം തിയേറ്ററില്‍ എത്തുന്നത്.
